Kroacia ka arritur të shkruajë historinë, duke u kualifikuar për në finalen e madhe të Kupës së Botës “Rusi 2018”.

Dhe e gjithë kjo lavdi mban një emër, atë të trajnerit, Zlatko Daliç.

Dikur jo fort i njohur, ndërsa sot për të shkruan dhe flet e gjithë bota, shkruan javanews

Një dekadë më parë ishte në krye të Dinamos në kampionatin shqiptar të futbollit, ndërsa sot ka prekur finalen e madhe të Botërorit, diçka që ndoshta as nuk e kishte menduar.

Interesant është fakti se Daliç nuk ka përfaqësuar kurrë ngjyrat e Kroacisë dhe as nuk ka luajtur kurrë në ndonjë skuadër të njohur. Por për futbollin shqiptar dhe veçanarisht tifozët e Dinamos, ai e ka shkruar prej kohësh me gërma të mëdha emrin e tij

Njohja e tij në Shqipëri nis në korrik të vitit 2008 kur Zlatko Daliç u prezantua te Dinamo e Tiranës si trajner. Ardhja e tij nuk është se bëri bujë, pasi ishte një emër i panjohur dhe kishte luajtur me ekipe modeste si Hajduk Splitit e Varteks, shkruan javanews

Ai ia doli që në 2009 të fitojë Superkupen e Shqipërisë me Dinoamon, duke mposhtur 2:0 Vllazninë.

Ai u detyrua të largohet nga Shqipëria  pas humbjes në derbi me Tiranën dhe Partizanin.

Si erdhi te Dinamo?

Biznesmeni Bensik Sulaj, që arriti të fitonte tri tituj kampion në krye të klubit kryeqytetas, ka treguar historinë e ardhjes së kroatit në verën e vitit 2008.

“Ka qenë viti 2005, kur Dinamo u përball me kroatët e Varteks. Me sa mbaj mend, ndeshja ka qenë e vlefshme për Kupën Intertoto. Në të parën në Tiranë fituam 2-1, ndërsa në kthim na mundën 4-1 dhe u eliminuam. Pra, impakti i parë për Daliç ka qenë pikërisht kur na mundi si trajner i Varteksit. Unë kisha një eksperiencë jo të vogël nën drejtimin e klubit dhe nga ajo që vura te Daliç ishte mënyra sesi e vendoste skuadrën në fushë. Më pëlqeu jashtë mase si trajner”, deklaroi Sulaj

Karriera e tij vazhdoi te Slaven Belupo në Kroaci, ndërsa punoi edhe në Arabinë Saudite me Al-Faisalin.

Deri në vitin 2017, karriera e tij ishte modeste dhe mbeti sërish, një emër i panjohur për publikun e gjërë.

Si u zgjodh trajner i Kroacisë?

Tetori i vitit 2017 do të ndryshontë jetën e Zlatko Daliç, por edhe fatet e Kombëtares së Kroacisë. Federata kroate e futbollit i besoi drejtimin e ekipit kombëtar pasi ish-trajneri Ante Cacic, ishte larguar për shkak të rezultateve të dobëta, shkruan javanews

Daliç nuk mund të refuzonte një ofertë të tillë, por vendosi një kusht; nëse Kroacia kualifohet në Botëror, ai duhet të vazhdojë si trajner.

Fati ishte me të. Ai arrriti të sigurojë një vend për Kroacinë në Botëror dhe sot po bën një popull të tërë të ëndërrojë, pasi mbrëmë Kroacia u shpall finalistja e dytë e “Rusi 2018” dhe shihet si pretendente për të ngritur Kupën e Botës, shkruan javanews

Daliç, i cili në dispozicion ka yje si Luka Modric, Ivan Rakitic, Dejan Lovren, Ivan Perisic e Mario Mandzukic, arriti të mposhtë lehtë Nigerinë, gjunjëzoi Argjentinën e Messit dhe në gjysmëfinale mposhti edhe yjet e Anglisë.

Ëndrra e tij është të ngrejë Kupën e Botës dhe ndodhet me afër se kurrë.

Sido që të shkojë finalja me Francën, ai tashmë është kampion…

Javanews/