Hidhet shorti i Europa League, Tirana përballë Maccabi-it, Partizani-Botev, Skënderbeu-Sant Julia

0

Nga Nioni i Zvicrës u hodh edhe shorti për turneun e dytë për nga rëndësia në futbollin europian, Europa League, aty ku këtë sezon do të marrin pjesë ekipet shqiptare të Partizanit, Skënderbeut dhe Tiranës, si fituese e Kupës së Republikës së Shqipërisë.

Risia këtë vit është ndarja e ekipeve pjesëmarrëse në 10 grupe me nga 10 skuadra, nga të cilat 5 konsiderohen si koka shorti dhe 5 të tjerat më pak të vlerësuara në renditjen e përgjithshme të UEFA-s.

Tirana do të luajë ndaj izraelitëve të Maccabi Tel Avivit, Partizani kundër Botev Plovdiv të Bullgarisë, ndërsa Skënderbeu me andorrasit e Sant Julia. Shkëndija e Tetovës do të luajë ndaj moldavëve të Dacia Chisinau, kurse Prishtina me Norrkopingun e Suedisë. Ndeshjet e para të turit të parë kualifikues për këtë kompeticion do të zhvillohen më 29 qershor, ndërsa takimet e kthimit më 6 korrik.

S'KA KOMENTE

PËRGJIGJU