Majk është një nga reperat më të mirë shqiptarë i cili është shumë i preferuar nga publiku. Para pak kohësh ai ka qenë në një lidhje me Majlinda Zekën, lidhje nga e cila lindi një djalë i quajtur Roan, por ata janë ndarë. Së fundmi flitet se Majk është në një lidhje tjetër dashurie me modelen kosovare, Melita Nushi, ndërkohë që Majlinda kujdeset për djalin e saj të vogël edhe pse është folur shumë për jetën e saj private.

Së fundi, në disa foto të publikuara nga media të ndryshme në Kosovë, Majlinda duket e shoqëruar nga një këngëtar i njohur. Burak Vehapi është parë shpeshherë të shoqërojë ish-partneren e Majkit, madje përflitet se mes tyre ka nisur një romancë.

Siç mësohet, dyshja janë parë shpesh në shoqërinë e njeri-tjetrit dhe duket se kanë një raport të afërt. Prej disa muajsh, edhe pse janë kapur nga paparacët, nuk kanë pranuar se mes tyre ka më shumë se miqësi, por dyshimet se ky raport mund të jetë më shumë se miqësor janë shtuar më shumë pas këtyre fotove.