Kryetari i PD Lulzim Basha u ka bërë apel qytetarëve që të respektojnë të gjitha udhëzimet mbi distancimin social sidomos kur janë jashtë për nevojat e ditës.

Ndërsa ka bërë këtë apel kreu demokrat ka theksuar se ndihet mirë për faktin që sot ka dalë për disa blerje dhe ka vënë re se qytetarët kanë respektuar rregullat e distancimit social.

Madje eshte shfaqur me se i lumtur, ndersa ka shfrytezuar fashen kohor per pazar te vendosur nga Rama, per te dale ne “liridalje” ne kete mot te mrekullueshem prilli!

Postimi i plote i Lulzim Bashes:

Të dashur bashkëqytetarë, si shumë prej jush sot dola për disa blerje dhe pashë me kënaqësi respektimin e rregullave te distancimit social.

Ndonëse është një ditë e bukur pranvere, nuk duhet të harrojmë që jemi në kushtet e emergjencës dhe karantinës.

Ndaj dua tju përsëris sërish thirrjen time të respektoni të gjitha udhëzimet mbi distancimin social, sidomos kur jeni jashtë për nevojat e ditës! Ruani me fanatizëm distancën 1,5 metër!

E di që për shumë prej jush po bëhet e vështirë, por ju lutem mendoni se në këtë mënyrë po ruani veten, familjen dhe të afërmit tuaj.

Çdo ditë sakrificë për të ruajtur jetën dhe shëndetin është një betejë e fituar. Bashkë do tia dalim.