Armina Mevlani, e fejuara e djalit të ish-kryeministrit Sali Berisha, Shkëlzeni, ka tregua se çfarë lidh dyshen e njohur me Comon në Itali. Teksa iu përgjigjej pyetjeve të ndjekësve të saj në Instagram, Mevlani tha se në Como, tek një stol, ka marrë propozimin e parë nga Shkëlzeni, krejtësisht spontan.
“Historia me Comon është e tillë, në udhëtimin e parë në vitin 2014, Zeni dhe unë pamë një vend që e pëlqenim të dy dhe u bë si traditë që çdo përvjetor shkonim aty. Tek ai stol kam marrë edhe propozimin e parë, spontan. Dasmën me siguri do ta bëj në Shqipëri sepse kam dëshirë të ftoj shumë vetë, dhe jashtë është vështirë organizimi,“- shkruan Armina. Në një tjetër përgjigje, Armina shprehet se koronavirusi i ka lënë shumë gjëra pezull, por jo dasmën, pasi nuk kishte bërë plane konkrete.
“Mbetën shumë gjëra pezull për shkak të koronës, por jo dasma. Ende nuk kisha diçka konkrete,“- shkruan Mevlani më tej.
Më tej, blogerja shprehet se gjithmonë ka dashur që në një moment të jetës të jetonte në fshat me kafshë si, lopë, dele, kuaj, etj. “Që e vogël kam menduar që në një fazë të jetës të bëj jetë fshati me shumë kafshë, lopë, dele dhe kuaj,”- përfundon blogerja.
