Ata ende nuk e kanë konfirmuar zyrtarisht romancën mes tyre, por nga pamjet që publikojnë në Instagram, duhet të themi se vetëm unazat kanë ngelur pa shkëmbyer mes Loredanës dhe Zunës. Reperja e njohur së fundi ka publikuar një video ku shfaqet pranë mbesës së reperit nga Libani, duke në dhënë mesazhin se lidhjen e kanë bërë familjare dhe gjërat janë serioze. Loredana vijon të publikojë video ku shfaqet nën shoqërinë e reperit të huaj, me të cilin duket se po i kalon këto ditë të vështira të pandemisë, që ka ndërprerë edhe projektet e saj muzikore.
Publikisht, çifti edhe nuk e ka pranuar lidhjen duke deklaruar se janë miq e kolegë të mirë. “Mozzik është babai i fëmijës tim, ndërsa Zuna është partneri im… në biznes.”-ka deklaruar Loredana. Megjithatë, një video e publikuar pak kohë më pas, tregon çiftin në avion duke shkëmbyer puthje në buzë. Vetëm pak kohë më parë, Loredana dhe Zuna publikuan një duet me titullin “Ti je e imja” që rezultoi një sukses i vërtetë në Gjermani, ku dyshja zhvillon karriera të suksesshme.
