Fabio Paratici, të dielën bëri avokatinë e Gonzalo Higuain, por në të vërtetë ekziston një hipotezë e fortë e lamtumirës së tij nga Juventusi, në fund të sezonit aktual. “Ai është një djalë shumë i ndjeshëm dhe i veçantë, ne jemi të lidhur fort me të. Gonzalo po luan shumë mirë, shpresojmë të vazhdojë me ne edhe në vitin e fundit të kontratës”, – tha menaxheri bardhezi. Megjithatë, në realitet, siç raportohet nga “Tuttosport”, ndarja është shumë e mundshme.
Sidomos sepse “Zonja e Vjetër” mund të përsërisë një “operacion” të kryer tashmë, në të kaluarën, kur Carlos Tevez, me një vit të mbetur të kontratës, la Torinon dhe u kthye te Boca Juniors. Në atë kohë, Juventusi fitoi Vadalà (lindur më ’97), Bentancur (’97), Cristaldo (’96) dhe Pavon (’96). Thashethemet për kthimin e mundshëm të Gonzalo Higuain te River Plate po bëhen më insistuese. Në këtë rast, homologu i tij i mundshëm për “Zonjën e Vjetër” është mbi të gjitha Julian Alvarez, sulmues i lindur në vitin 2000.
Argjentinasi aktivizohet si sulmues i parë, pak a shumë si Dybala te Palermo. Ai tashmë ka luajtur nëntë ndeshje me Argjentinën U-23. Sidoqoftë, ashtu si me Tevez, një lojtar nuk do të ishte i mjaftueshëm për të mbuluar koston e operacionit, në të cilin të tjerë të rinj mund të përfshiheshin. Që nga mesfushorët e datëlindjes 1999, Sosa dhe Ferreira, pjesë e U-20, tek ata më të pjekur, si Martinez Quarta (’96, mbrojtës qendror) dhe Montiel (’97, mbrojtës i djathtë).
