Aktori i njohur turk Murat Yildirim gjithmonë është munduar që jetën private ta mbajë larg mediave. Por lajmi që ai do të bëhet baba për herë të parë nuk mund të kalonte pa u vërejtur nga mediat turke. Bashkëshortja e Muratit, Iman Elbani, është në muajin e dytë të pritjes së ëmbël.
Edhe pse aktori nuk e ka ka dhënë vetë lajmin, kanë qenë të afërmit e tij të cilët e kanë konfirmuar lajmin e ëmbël. Aktori është bërë i njohur në Shqipëri përmes filmit ‘Dashuri e ndëshkim’ ku ai luante në rolin e Savashit. Kujtojme që Murat Yildirim dhe Iman Elbani kanë kurorëzuar dashurinë e tyre me martesë në vitin 2016.
