Ermal Mamaqi sapo e ka vërtetuar tezën se fëmijët nuk duhet të qëndrojnë vetëm me baballarët në shtëpi. Ai ka postuar një video në Instagram, ku tregon se Ami i ka kërkuar të kujdeset për Joelin, por duket se moderatorit i ka dalë situata nga kontrolli. Në video shihet Joeli, i cili ka hyrë në tualet, ka gjetur një makinë rroje, dhe ka prerë një pjesë të flokëve tij.
Ndonëse Joeli duhet të qethet zero tashmë, ky moment ka shkaktuar shumë të qeshura tek të gjithë dhe me siguri do mbetet një kujtim i këndshëm për familjen. Kujtojmë se edhe Ermali është qethur tullacë gjatë karantinës dhe videon e momentit epik e ndau në rrjetet sociale. Tanimë presim të gjithë reagimin e Amit kur të kthehet në shtëpi.
