Një grup studimor i përbërë nga akademikë nga e gjithë bota, kanë botuar një shkrim ku argumentojnë se “bashkëpunimi ndërkulturor” mbi etikën dhe qeverisjen e Inteligjencës Artificiale është thelbësore nëse teknologjia do të “sjellë përfitime në të gjithë botën”. Ekspertët nga Qendra Leverhulme e Universitetit të Kembrixhit për Ardhmërinë e Inteligjencës, Qendra e Filozofisë dhe Ardhmëria e Njerëzimit të Universitetit Peking, dhe Akademia e Inteligjencës Artificiale e Pekinit – në mënyrë specifike dëshirojnë të shohin bashkëpunim nëpër fusha të ndryshme, disiplina dhe kultura, si dhe kombe të ndryshme.
“Një bashkëpunim i tillë do të bëjë të mundur që përparimet të ndahen në pjesë të ndryshme të botës dhe do të sigurojnë që asnjë pjesë e shoqërisë të mos lihet pas dore ose në mënyrë disproporcionale të ndikohet negativisht nga Inteligjenca Aritficiale,” shkroi studiuesi Jess Whittlestone në një postim në blog këtë javë që përmbledh punimin. “Pa një bashkëpunim të tillë, presionet konkurruese midis vendeve gjithashtu mund të çojnë në nënvlerësim në zhvillim të sigurt, etik dhe social të dobishëm social, duke rritur rreziqet globale nga AI.” Inteligjenca Artificiale është gati të ndryshojë botën në dekadat e ardhshme pasi makinat bëhen gjithnjë e më kompetente në një varg detyrash, nga drejtimi i makinave deri tek zbulimi i ilaçeve të reja. Por disa janë të shqetësuar se AI mund të përfundojë si një teknologji e rrezikshme nëse zhvillohet në silos të izoluar nëpër laboratorë të ndryshëm në vende të ndryshme.
