Këngëtari i njohur i muzikës popullore shqiptare, Ilir Shaqiri ka ndarë me të gjithë mëngjesin e sotëm një lajm të hidhur. Përmes një shkrimi në ‘Facebook’, ai ka bërë me dije se ka humbur nënën e tij, duke publikuar edhe një foto të së ndjerës.
“Mëngjes i trishtë. Lamtumirë nëna ime”, shkruan Shaqiri.
Ilir Shaqiri është një këngëtar dhe autor këngësh shumë i njohur dhe muzika ku identifikohet më shumë është ajo pop dhe popullore folklorike. Ka krijuar mbi 600 këngë në muzikën e lehtë, popullore dhe për fëmijë si dhe është krijues i muzikës në 17 filma dokumentarë.
