Një lajm i trishtë për futbollin italian dhe sidomos për tifozët e Milanit. Një ditë më parë është ndarë nga jeta Pierino Prati, kampion Europe me kombëtaren e tij dhe me Milanin në nivel klubesh. Prej disa kohësh ai ishte i sëmurë dhe në moshën 73-vjeçare e humbi bet ejën më të rëndësishme. Në fushë kishte shkëlqyer me klube si Milani, Fiorentina dhe Roma. Gjatë karrierës së tij ai shënoi 100 gola në 232 ndeshje të Serie A. Në sezonin 1967/68 ai doli golashënuesi më i mirë i kampionatit italian, pasi kishte tundur 15 herë rrjetën.
Në Itali fitoi gjithçka, titull e Kupë, ndërkohë që me Milanin ngriti edhe European Cup (Champions League sot), Kupën Interkontinentale dhe dy herë Kupën UEFA. Në vitin 1968 ishte pjesë e Italisë, që fitoi kampionati Europian, ndërkohë që dy vite më pas shkoi edhe në Botërorin e Meksikës. Klubi kuqezi nëpërmjet rrjeteve sociale i ka shprehur ngushëllimet familjes për humbjen e të dashurit të tyre.
