Turizmi shqiptar dhe ai kosovar janë duke i mbajtur shpresat tek njëri-tjetri për t’i mbijetuar pasojave që ka nisur t’i sjell pandemia në ekonomi. Ministri i Tregtisë dhe Industrisë, Vesel Krasniqi ka pritur në takim Ministrin e Turizmit dhe Mjedisit të Shqipërisë, Blendi Klosi, të cilët kanë diskutuar për rritjen e bashkëpunimit me qëllim të krijimit të një oferte të përbashkët turistike.
Ata u kanë bërë ftesë qytetarëve që destinacion këtë vit t’i kenë zonat turistike të të dyja vendeve. Pjesë e takimit ishin edhe kryetarët e dy bashkive më të vizituara nga kosovarët, të Lezhës në veri, e Vlorës në Jugn të cilët folën për investimet e bëra në turizëm. Vetëm gjatë sezonit turistik të vitit 2019, mbi 3 milionë qytetarë të Kosovës kanë kaluar pikën kufitare Vërmicë- Morinë, në drejtim të bregdetin shqiptar.
