Aventura e Ivan Rakitic te Barcelona është drejt fundit. Sipas mediave spanjolle, kroati, i cili me fanellën e blaugranave ka fituar praktikisht çdo gjë, në fund të sezonit mund të rikthehet te Sevilla, skuadër të cilën e la në 2014, pikërisht për katalanasit.
32-vjeçari ndiqet me interes edhe nga skuadrat italiane si Juventusi, Interi dhe Milani. Kontrata e tij me Barcelonën skadon më 30 qershor të 2021 dhe në këtë pikë mesfushori mund të lëvizë me parametër zero, por drejtuesit nuk dëshirojnë të dalin me duar bosh dhe për këtë arsye e kanë nxjerrë në merkato futbollistin, kartoni i të cilit vlerësohet 20 milionë euro.
