Të gjithëve na kanë rastisur të njohim njerëz të cilët sapo nisin një marrëdhënie, harrojnë miqtë. Sigurisht që kjo gjë të irriton, por karakteret janë të ndryshme. Sipas astrologjisë, njërëzit që u përkasin këtyre 3 shenjave horoskopi, kanë predispozitën që të harrojnë miqtë sapo të nisin një lidhje. Ja për cilat shenja bëhet fjalë:
Demi – Padyshim që Demat e kryesojnë listën e këtyre shenjave. Sapo ata janë në një marrëdhënie, duan të shpenzojnë më tepër kohë me partnerin se sa me shoqërinë e tyre. Ata kanë dëshirë që të kalojnë kohë me njerëz të cilët i përmbushin shpirtërisht, dhe këtë ja ofron partneri. Mos e merrni personale, as ata vetë nuk e kuptojnë kur e bëjnë këtë gjë.
Gaforrja – Të lindurit e kësaj shenje duan që të duan, dhe që të marrin shumë dashuri. Në momentin që ata gjejnë një person që i ofron këto gjëra, harrojnë që bota ekziston. Ata përfshihen aq shumë në një lidhje, sa harrojnë çfarë kanë rrotull. Përkushtimi i tyre i përket vetëm partnerit. Për partnerët kjo është një gjë e mirë, por jo edhe aq për shoqërinë.
Luani – Nëse keni mik një Luan, duhet ta keni kuptuar se sa shumë përfshihen ata kur lidhen me dikë. Luani e sheh partnerin gjithmonë si prioritet, sepse kanë nevojë edhe vetë për vëmendjen maksimale. Por Luani ndryshe nga dy shenjat e para, do dëshirojë që shoqërinë dhe partnerin ti përfshijë së bashku, në mënyrë që mos të humbi vëmendjen e askujt.
