Gent Cakaj, Ministrit të Jashtëm në detyrë i është rezervuar një pritje madhështore në Luginën e Preshevës. Në të parën vizitë zyrtare të tij në Luginë, Cakaj është pritur me pankarta mirëseardhje të vendosura në qendër të Preshevës. Madje shqiptarët e Preshevës i kanë hequr dhe termin “Ministër në detyrë”.
Dhjetëra qytetarë e kanë takuar Cakaj duke e vlerësuar për punën e tij në krye të diplomacisë shqiptare. Duke kërkuar më shumë mbështetje për zonën e tyre, banorët i janë drejtuar Cakaj, duke i rikujtuar se deri më tani është bërë shumë pak për këtë zonë. E duket se Cakaj, si Ministër i Jashtëm i Shqipërisë, por mbi të gjitha i lindur në Kosovë, ka marrë angazhimin për të kthyer më shumë vëmendjen e Tiranës dhe Prishtinës drejt shqiptarëve të Luginës së Preshevës.
