Chelsea raportohet se do ta pranojë një bonus prej 10-15 milionë funtesh pasi Eden Hazardi i ndihmoi Real Madridit ta fitojë trofeun e La Ligës në sezonin e tij debutues në Santiago Bernabeu. Real Madridi u shpall kampion i Spanjës pas fitores të së enjtes me rezultat 2:1 kundër Villarrealit, përderisa rivalja e tyre, Barcelona, pësoi disfatë me rezultat 2:1 kundër Osasunës.
Ndërkohë, Hazard, i cili u transferua te gjiganti evropian gjatë afatit kalimtar të verës së kaluar, tani do t’ia fitojë një shumë parash ish-klubit të tij, Chelseat. Në kontratën e nënshkruar mes dy klubeve për transferimin e Hazardit, Chelsea e kishte vendosur një klauzolë, sipas të cilit Real Madridi duhet t’ia paguajë klubit londinez një bonus nëse spanjollët e fitojnë titullin e La Ligës në sezonin e parë të Hazardit.
Mediumet e mëdha botërore raportojnë se klubi i Premierligës do t’i fitojë 10 deri në 15 milionë funte shkaku i triumfit të Real Madridit në La Liga.
