Vogëlushja e Besit dhe Xhensilës, Ajka ka festuar ditën e djeshme 2-vjetorin. Prindërit i organizuan një super festë, pamjet nga e cila i publikuan këtë të Hënë në Instagram, ku nuk munguan dhe urimet e miqve.
Xhensila ka ndarë me ndjekësit një grup fotosh dhe Ajka ka marrë shumë urime për ditën e saj të veçantë. Në sy ka rënë komenti i këngëtares Gjira Kajtazi, e cila që tani ia ka vënë syrin Ajkës për vogëlushin e saj, Mawlin.
“Urime për Ajkën-të don vjehrra shumë moj llokum i vogël”, i ka shkruar Gjira. Ndërkohë Xhensila i është përgjigjur se është shumë herët për t’ia filluar nga hallet. “Hahahha të griva! Mos m’i fillo hallet kaq shpejt”, ka replikuar ajo.
