Vogëlushja e çiftit më të komentuar të showbiz-it shqiptar, Mozzik dhe Loredanës, është kthyer në një ndër bebushët më të njohur në rrjet. Hana ka një llogari personale në Instagram, ku ka mbledhur “fansat” e saj dhe shpesh prindërit ndajnë foto të ëmbla të të voglës.
Deri tani, të gjithë kanë qenë të bindur se Hana është 100% kopje e Mozzik, por prisni se s’keni parë ende këtë foto të Loredanës në moshë të vogël! Në rrjet ka qarkulluar një foto e bashkuar e Hanës dhe Loredanës kur ishte ende vogëlushe, e cila na bëri të mendohemi sërish për ngjashmërinë. Hana qenka gjithashtu një kopje e Loredanës fëmijë dhe ëmbëlsinë në tipare e paska trashëguar nga e ëma! “Unë dhe mami”- shkruhet në foton e publikuar në InstaStory-n e Hanës. Po tani si mendoni, cilit prej prindërve i ngjan më shumë?
