Udhëheqësi i Koresë së Veriut Kim Jong Un mblodhi një takim urgjent pasi rasti i parë i dyshuar në vend me Covid-19 u raportua, njoftoi Agjensia Qendrore Koreane e Lajmeve (KCNA).
KCNA raportoi se individi i infektuar hyri në mënyrë të paligjshme në Korenë e Veriut përmes Kaesong City më 19 korrik pasi ishte arratisur në Korenë e Jugut tre vjet më parë. Pacienti ka marrë kontrolle mjekësore dhe është karantinuar, së bashku me të gjithë individët ka qenë në kontakt me të kohët e fundit, njoftoi KCNA.
Kim Jong Un vendosi masa izolimi për rajonet rreth Kaesong dhe shpalli një gjendje të jashtëzakonshme në një “zonë përkatëse”, njoftoi KCNA.
Komisioni Qendror Ushtarak i vendit do të hetojë njësinë përgjegjëse për hyrjen e paligjshme të pacientit dhe “të administrojë një ndëshkim të ashpër,” njoftoi KCNA.
