Në pothuajse 200 faqe të detajuara, “Organizata për Bashkëpunim Ekonomik dhe Zhvillim” (OECD) skanon arritjet e 6 vendeve të Ballkanit Perëndimor në pothuajse çdo fushë, nga ekonomia, tek drejtësia, korrupsioni, mirëqeverisja dixhitale, shëndetësia, arsimi e shumë të tjera.
Një numër i madh i të dhënave nuk vijnë surprizë. Kështu, Shqipëria është sërish, edhe në 2019 vendi më i vendosur në Ballkan sa i përket të ardhmes së tij europiane. 87% e shqiptarëve janë të bindur se anëtarësimi në BE do të ishte diçka e mirë për të ardhmen, krahasuar me vetëm 26% të serbëve.
Konfirmohet gjithashtu niveli më i ulët i papunësisë në rajon, si dhe rritja më e lartë ekonomike në dekadën e fundit pas Kosovës.
Megjithatë, ajo që bën vërtet përshtypje janë statistikat që OECD ofron për arsimin dhe shëndetësinë.
Pyetjes se sa të kënaqur jeni me nivelin e arsimit në vendin tuaj, 59% e shqiptarëve i janë përgjigjur që janë të kënaqur. Ky është niveli më i lartë në të gjithë rajonin.
Nga ana tjetër, surprizë vjen edhe vlerësimi që kanë shqiptarët për shëndetësinë. Jemi të dytët pas Serbisë në vlerësimin e popullsisë ndaj sistemit shëndetësor, por ndryshimi më i madh është ai i krahasuar në një dekadë.
Në 10 vjet, 21% shqiptarë më shumë kanë kaluar nga një vlerësim negativ për sistemin shëndetësor, në një vlerësim pozitiv. Gjithashtu, shqiptarët vijojnë të kenë jetëgjatësinë më të lartë në rajon, me një mesatare në lindje prej 78 vitesh, ndërsa vendi me jetëgjatësinë më të ulët është Kosova me 72.
Qeverisja dixhitale tregon se Shqiperia eshte vendi me i perparuar ne rajon dhe i vetmi qe permbush te gjithe kriteret e vendosura – https://lexo.com.al/2020/07/08/qeverisja-dixhitale-shqiperia-e-para-ne-rajon-dhe-e-vetmja-qe-realizon-cdo-standart/
Një e dhënë tjetër interesante është besimi që kanë qytetarët ndaj qeverisë. Në dy vitet e fundit, vetëm në Serbi dhe në Shqipëri “kuotimet” e qeverisë kanë njohur rritje. Ndërsa në Kosovë, Mal të Zi, Maqedoninë e Veriut dhe Bosnje, kudo besimi është gërryer gjatë kësaj periudhe.
Të dhëna të tjera pozitive janë ato që lidhen me korrupsionin. Shqipëria është e para (e barazuar me te tjerë) sa i përket luftës kundër tij, si dhe të parët përsa i përket reformës në administratë.
Raporti gjithashtu ilustron fusha ku Shqipëria ka ende për të bërë. Si ekonomia e tregut. Shqipëria ka një sistem tregu funksional, më të mirë se Bosnja dhe Kosova dhe në nivelin e Serbi, Mali i Zi, por duhet akoma punë për të mbushur hendekun që kemi aktualisht me Maqedoninë e Veriut.
Në luftën kundër krimit të organizuar rezultatet e viteve të fundit tregojnë një rritje të rëndësishme, por jo aq sa për t’ia kaluar Maqedonisë, e rrjedhimisht pozicionohemi në grup me të tjerë në vendin e dytë.
Një tjetër problem është kapaciteti i ekonomisë shqiptare për t’u përballur me konkurrurencën europiane, në një treg të unifikuar dhe pa barriera mbrojtëse. Sipas OECD, në këtë tregues renditemi pas Malit të Zi, Serbisë dhe Maqedonisë së Veriut.
Besimi tek drejtësia, në Shqipëri është më i ulti në rajon, ndërsa pavarësisht një rritje të rëndësishme në vitet e fundit, në statistikën e eksporteve krahasuar me PBB (34%) jemi të dytët nga fundi, duke lënë pas vetëm Kosovën.
Raporti i plotë – https://read.oecd-ilibrary.org/governance/government-at-a-glance-western-balkans_a8c72f1b-en#page1),
