Ronela Hajati dhe Young Zerka i dhanë fund lidhjes në muajin maj të këtij viti. Dyshja e kaluan të ndarë karantinën dhe tani nuk ndiqen më në rrjete sociale.
Zerka ka dhënë së fundmi një intervistë për emisionin “Pushime on top”, ku ka refuzuar të flasë për Ronelën ama ka treguar për historitë e tij të para të dashurisë. “Unë kam ikur i vogël nga Korça. Dashuriçkat e para i nisa jashtë, por edhe këtu kam kujtime. Vajzat që kishim qejf i kishim nëpër lagje dhe shkolla”, tha ai.
Moderatorja Ori Nebiaj e pyeti nëse e ka parë ndonjëherë vajzën për të cilën ka përjetuar emocionet e para, ama Zerka ka treguar se ajo ka ikur në Amerikë.
