Tiranë, 23 Korrik – Ministrja e Shëndetësisë dhe Mbrotjes Sociale, Ogerta Manastirliu, ka shpërndarë mesazhin mjekes së spitalit universitar “Shefqet Ndroqi”, Dr. Loreta Bica, e cila bën thirrje të vendoset maska.
“Jo rrallë dëgjoj të pyetet: E vërtetë? Në pak ditë shoh një spital të mbushet frikshëm me të sëmurë në gjendje të rëndë! Shoh mjekë, infermierë, sanitare që luftojnë për të lehtësuar dhe për të shpëtuar sa më shumë jetë!
Duket sikur e kanë harruar rrezikun e madh që i kërcënon në luftën me Covid-in. Me të vërtetë e frikshme! Por Covid19 është armik shumë i dobët, nëse e luftojmë të gjithë bashkë! Ju lutemi mbroni jetët tuaja dhe jetët tona, thjeshtë duke vendosur MASKËN! Së bashku mund dhe do t’ia dalim!”, është mesazhi i Dr. Loreta Bica
