Gazeta Mundo Deportivo njoftoi sot se Ronald Koeman është duke punuar në një rindërtim të plotë të ekipit vetëm disa ditë pasi mori përsipër Barcelonën.
Holandezi dëshiron të rinovojë klubin katalanas dhe nuk dëshiron të ketë shumë lojtarë të vjetër në dispozicion, dhe i pari që ai do ta largojë është Luis Suarez. Koeman tha se nuk llogarit më në shërbimet e tij dhe se Suarez do të duhej të gjejë një klub të ri.Pas tij, ai ftoi edhe Rakitiq dhe Umtiti dhe u tha atyre të njëjtën gjë, të gjitha në marrëveshje me klubin, i cili i dha Koeman më shumë autoritet se paraardhësit të tij.Kështu, Barcelona do të mbetet pa një sulmues që arriti në verën e vitit 2014 nga Liverpool.
Ai transferim deri më tani, me të gjitha shpërblimet, i kushtoi Barcelonës pak më shumë se 80 milion euro, por Suarez ka qenë një nga investimet më të mira të Barçës.Uruguaiani ka fituar katër tituj kampionësh, katër Kupa të Mbretit, Ligën e Kampionëve, Superkupën Evropiane dhe Kupën e Botës së Klubeve në gjashtë vjet në ‘Nou Camp’. Ai luajti 283 ndeshje për Barcën dhe shënoi 198 gola me 109 asistime.Ai kishte një kontratë me Barcelona deri në verën e ardhshme, duke fituar pak më pak se 20 milionë euro në sezon.
Sipas Mundo, Barcelona do ta ndërpresë kontratën me Suarez këtë javë dhe do t’i paguajë një pjesë të caktuar të shumës së mbetur nga kontrata, pas së cilës uruguaiani do të mbetet i lirë.Për shërbimet e tij interesim ka shfaqur Ajax, për të cilin Suarez shënoi 111 gola nga 2007 deri në 2011 dhe që prej kohësh i mungon një qendër e vërtetë klasike. Disa klube angleze gjithashtu kanë shfaqur interes për uruguaianin, dhe Milani është gjithashtu shumë i interesuar.
