Facebook ka njoftuar hulumtimin e ri të Inteligjencës Artificiale që mund të ndihmojë dhe sjellë një ndryshim të rëndësishëm në mënyrën se si inteligjenca artificiale dhe disa pajisje që përfshijnë këtë teknologji funksionon në jetën tonë të përditshme. Kompania njoftoi një imitues të tingullit në botë reale që do të lejojë studiuesit të trajnojnë sistemet në hapësira virtuale tre-dimensionale me tinguj që imitojnë ato që ndodhin brenda, duke hapur mundësinë që një asistent i inteligjencës artificiale të mund të ju ndihmojë një ditë të komunikoni nëpërmjet një telefon inteligjent me pajisjen në një dhomë të largët.
Facebook zbuloi gjithashtu një mjet hartografie të brendshëm, i destinuar për të ndihmuar sistemet e AI të kuptojnë më mirë dhe të kujtojnë detaje rreth hapësirave të shtëpive, të tilla si sa karrige gjenden në një dhomë ngrënie ose nëse një filxhan është në banak. Kjo nuk është diçka që mund të bësh me teknologjinë siç është sot. Altoparlantët inteligjentë në përgjithësi nuk mund të “shohin” botën përreth tyre, dhe kompjuterët nuk janë aq të mirë sa njerëzit në gjetjen rreth hapësirave të brendshme.
Mike Schroepfer, drejtuesi kryesor i teknologjisë në Facebook, shpreson që kjo punë, megjithëse në fazën e hershme, përfundimisht mund të fuqizojë produkte si një palë syze inteligjente për t’ju ndihmuar të mbani mend gjithçka, nga ku lini çelësat tuaj, nëse shtoni tashmë vaniljen në një tas me brumë. Me pak fjalë, ai dëshiron të përsosë inteligjencën që mund të përsosë kujtesën tuaj.
“Nëse mund t’i ndërtoni këto sisteme, ato mund t’ju ndihmojnë të mbani mend pjesët e rëndësishme të jetës tuaj,” tha Schroepfer për CNN Business në një intervistë në lidhje me vizionin e kompanisë për të ardhmen e inteligjencës artificiale. Por qëllimi i Schroepfer mund të varet nga kompania duke bindur njerëzit të besojnë në Facebook për të zhvilluar teknologji që mund të futet thellë në jetën e tyre personale.
