Emina Çunmulaj, modelja shqiptare që jeton në Shtetet e Bashkuara të Amerikës, me anë të një postimi në rrjetin social Instagram ka ftuar diasporën shqiptare që të udhëtojnë drejt Malit të Zi dhe të votojnë për listën shqiptare. Zgjedhjet parlamentare në vendin fqinj do të mbahen më 30 gusht dhe Lista Shqiptare është ”Genci Nimanbegu – Nik Gjeloshaj”.
Emina Cunmulaj është një nga modelet shqiptare më të famshme në botë. Ajo ka pozuar për një sërë kopertinash, ka marrë pjesë në shumë sfilata. Modelja është e martuar me miliarderin Sam Nazarian, drejtues i disa kompanive dhe rrjeti hotelesh dhe ka me të dy vajza.
Emina u rrit në një fshat në Malin e Zi e më pas u largua në SHBA ku nisi karrierën në modeling. Para shumë vitesh ajo ka humbur mamanë dhe ka një vëlla, dhe motrën po ashtu modele.
Ajo ka qenë gjithmonë krenare për vendlindjen e saj dhe asnjë herë nuk ka ngurruar që të thotë më zë të lartë që jam shqiptare. Gjithashtu ka marrë shpesh pjesë në fushata bamirësi në Shqipëri.
