FC Prishtina ka konfirmuar me anë të një lajmërimi në Facebook se ndeshja Lincoln-FC Prishtina nuk do të zhvillohet Fajin edhe këtë herë FC Prishtina ua ka lënë autoriteteve të Gjibraltarit, të cilët sipas tyre e kanë anuluar ndeshjesn. “Ndeshjen, sërish, si herën e parë, e anulojnë autoritetet e Gjibraltarit dhe jo UEFA”, shkruan në këtë njoftim të FC Prishtinës. Anulimi i ndeshjes është konfirmuar edhe nga Lincoln Red Imps.
Në anën tjetër presidenti i Lincoln Red Imps ka konfirmuar për GBC se ndeshja është anuluar. Dylan Viagas ka thënë se i mbetet në dorë komitetit të UEFAs për të vendosur se çfarë do të ndodh më vonë. Lincoln Red Imps F.C ishte paraparë që të luhet ditën e martë të kësaj jave por ajo ishte shtyrë për shkak se tetë lojtarë u testuan pozitivë me COVID-19.
UEFA mori vendim që ndeshja të zhvillohet sot (e shtunë) dhe se për këtë duhet të krijohet një ekip i ri me staf të ri teknik. Por edhe ekipi i dytë i Prishtinës rezultuan të jenë tetë lojtarë me COVID-19.
