Rudina Dembacaj dhe Mark Frroku janë kthyer në një ndër çiftet më të komentuar në media dhe nga publiku. Vetëm pak ditë më parë, ish-deputeti i propozoi për martesë, teksa ndodhin me pushime në Turqi. Rudina ishte këtë të hënë e ftuar në emisionin “Ftesë në 5”, me Bieta Sulon, ku rrëfeu detaje nga propozimi romantik. Mes të tjerash, moderatorja u pyet nga Bieta nëse ajo dhe Marku kanë ndërmend të zgjerojnë familjen.
Rudina dha një lajm të ëmbël, teksa u shpreh se në planet e tyre është një fëmijë. Megjithatë, ajo shtoi se kjo nuk është koha e duhur. “Kam në plan një fëmijë tjetër, po, a e kam në plan tani? Jo. Ne kemi shumë angazhime, nuk është momenti për të menduar për bebe të vogël, unë kam spektaklin, kemi shumë angazhime. Mendoj që Viktorja është ende e vogël, të rritet edhe pak”, tha ajo.
