Genta Ismajli po jeton momentet më të bukura të dashurisë me biznesmenin turk, Hussein Usta. Ai nuk lë rast pa shprehur dashurinë ndaj këngëtares përmes surprizave mjaft romantike. Siç duket ata janë më të lumtur se kurrë përkrah njëri-tjetrit, ndaj Genta është e gatshme që të martohet. Disa ditë më parë, gjatë një interviste për emisionin “Wake Up” ajo u shpreh se si çdo vajzë ëndërron të veshë fustanin e bardhë përderisa ka gjetur njeriun e zemrës. Ditën e djeshme u raportua se Genta dhe Usta janë në pritje të fëmijës së tyre të parë.
Emisioni i mëngjesit në televisionin T7, #gjesi,raporton se ka mësuar nga burime të afërta se Genta tashmë është shtatzënë në muajin e dytë. Sakaq, sot në rrjet po qarkulon një foto e këngëtares, ku shihet barku i saj pak i rrumbullakosur Ajo është parë në një dyqan të luleve në Zvicër, veshur me një fustan të zi ku vëmendje ka marrë barku i saj. Deri tani nuk kemi asnjë reagim zyrtar prej saj, por jemi në pritje të konfirmimit të këtij super lajmi.
Kjo nuk është hera e parë që këngëtarja përflitet që është në pritje të ëmbël. Në shkurt të këtij viti, u komentua për hërë të parë që Genta është shtatzënë, por këngëtarja ende nuk ka reaguar lidhur me këto lajme, ndërsa ne jemi gjithë sy e veshë për të reja nga çifti. Kujtojmë se në fund të gushtit Genta ka publikuar këngën e re në bashkëpunim me Marselin, të titulluar “Ça me bo” . Në fakt ata kanë sjellë një version të ri të saj, pasi ju kujtojmë se kjo këngë ishte një nga hitet e karantinës.
