Presidenti Ilir Meta ka kërcënuar publikisht gazetarin Adriatik Doçi, se do të hakmerret ndaj tij dhe do ta fusë në burg, pse ai ka bërë disa shkrime mbi skandalin e dhënies së shtetësive nga Meta, në shkelje të ligjit. Në vend që të përgjigjiet për skandalin që i ka plasur sheshit, Ilir Meta prej disa ditësh ka nisur një fushatë kërcënimesh e shantazhesh ndaj gazetarëve e mediave, me shpresë se ato nuk të flasin për atë që ka bërë.
Media, që për hir të së vërtetës numërohen me gishtat e dorës, pasi vetëm gazeta TemA dhe Shqiptarja.com janë duke denoncuar skandalin, ndërsa gjithë ta tjerat heshtin dhe nuk guxojnë të shkruajnë asnjë rresht kundër Metës. Ndërkohë që Meta kërcënon prej ditësh gazetarët dhe mediat, asnjë prej organizatave të mediave nuk ka bërë ndonjë reagim ndaj presidentit.
Deklarata e Metës
Në një e-mail drejtuar një deputeti të PS, për të ndërhyrë në mënyrë të kundraligjshme pranë Drejtores së Arsimit të Kamzës, Doçi i Malavitës shkruan:
“…Babai ka qënë 25 vjet sekretar partie. Xhaxhai im, Ali Doçi, prej 26 vitesh ka qenë dhe është komisioner i PS në komunën Rukaj dhe tashmë në Burrel. Ne si familje ka 26 vjet që mbështesim PS. Nejse, tani nuk më intereson më emërimi i bashkëshortes time. Dua t’ju tregoj shqipëtarëve për dallaveret , që janë bërë brenda dhe jashtë zyrës tënde. Po e kam personale me ty. Dhe jam i vendosur të vijoj.”
E filluam me këtë email, si një provë të parë dhe të mjaftueshme momentalisht, pa u shtruar nevoja për të tjera, për t’u treguar se çfarë fytyrë Doçi përdor sot Malavita për të fabrikuar lajme të rreme. Asgjë nuk e shpëton aferën e zezë të inceneratorëve të zinj nga hetimi, ndëshkimi dhe hakmarrja e popullit shqiptar për bandën që tallet me qindra milionë euro të vjedhura e të çuara në kompanitë guaska në off shore.
Burgu nuk është premtim por fati më i mirë që i pret këta horra ndërkohë që dhjetëra shqiptarë po humbin jetën nga keqmenaxhimi i pandemisë dhe mungesa e mbështetjes së domosdoshme. Janë të pashpresa portalet dhe mediat e Rilindjes që punojnë në të zezë të shmangin vëmendjen nga kjo aferë e tmerrshme duke shpikur shpifje për Presidentin.
Të hënën gati në konferencën e shtypit. Tani çdo të hënë dhe çdo të premte konferenca shtypi për të thelluar transparencën me qytetarët! ORA E PËRBALLJES PO AFRON!
