Lakers bëjnë një tjetër hap drejt titullit kampion në NBA. Skuadra kaliforniane fitoi sot 124-114 ndeshjen e dytë finale të play off-it, duke udhëhequr 2-0 serinë e ndeshjeve.
Ndeshje e dominuar nga fillimi deri në fund nga Lakers, që patën epërsi në fushë. Mungesat e Dragic dhe Adebayo ndikuan te Miami, me Butler që realizoi 25 pikë e Olynyk 24.
Te Lakers, shkëlqeu sërish dyshja LeBron James dhe Anthony Davis, që së bashku realizuan 65 pikë (33 i pari dhe 32 pikë i dyti). Mirë u paraqit edhe stoli i ekipit kalifornian, nga ku erdhën 39 pikë.
