Pasi të ketë festuar kualifikimin dra matik për fazën e grupeve të Ligës së Europës, Milani mund të përqendrohet në “hitet” e fundit të merkatos, e cila mbyllet më 5 tetor. Siç raportohet nga “Sky Sport”, Paolo Maldini dhe Frederic Massara kanë arritur marrëveshje me Manchester United për Diogo Dalot, mbrojtësin e djathtë portugez 21-vjeçar.
Dalot do të përpiqet të krijojë më shumë hapësira aktivizimi në “San Siro”, pasi ka mbledhur disa paraqitje në dy vitet e fundit në Angli, gjatë së cilës kurrë nuk arriti të jetë titullar i Mourinhos, së pari, dhe më pas i Solskjaer. Ai do të mbërrijë sot në Itali për të kryer ekzaminimet mjekësore dhe për të nënshkruar kontratën.
