Londra përsëriti sot se rinisja e negociatave tregtare postBrexit me BE-në nuk do të kishin kuptim pa një ndryshim në pozicionin e të 27-ve, ndërkohë që theksoi se ishte e hapur për një intensifikim të propozuar nga Brukseli.
“Takimi i javës së kaluar i BE-së nuk la asnjë bazë për arritjen e një marrëveshje”, tha para Parlamentit ministri Michael Gove, përgjegjës për koordinimin e veprimit të qeverisë.
“Nuk ka kuptim të vazhdojmë të negociojmë. Përsa kohë që BE mban pozicionin e saj, diskutime të tilla nuk do të kenë kuptim”, shtoi ai.
Tashmë të ngadalta, negociatat tregtare u përshkallëzuan të enjten, kur vendet anëtare të BE-së kërkuan në Këshill koncesione nga Londra, ndërsa thanë se donin të vazhdonin bisedimet për të arritur një marrëveshje të tregtisë së lirë para vitit të ardhshëm, kur rregullat europiane të ndalojnë së aplikuari në Britaninë e Madhe.
