Ilaria Capua, virologia italiane, një ndër zërat më të rëndësishme në luftën me pandeminë, thotë se nuk beson që vaksina do të jetë gati brenda disa javësh. Ajo rikujton edhe një herë se dozat në fillim, nuk do të jenë të mjaftueshme për të gjithë.
Sa kohë do të duhet për vaksinën dhe cilat janë pengesat? Mendoni për vaksinën e gripit: ne e kemi formulën, po kështu dimë ta shpërndajmë, megjithatë nuk mund të gjendet në sasi shumë të mëdha për të gjitha shtetet. Në këtë kohë krize, nuk është e mundur të shtohen dozat e vaksinës së gripit për të prodhuar mjaftueshëm. Deri më sot, para së gjithash nuk ka vaksinë për Covid; së dyti, ne nuk jemi të sigurt se ata që janë në zhvillim janë efektive; së treti, ne as nuk e dimë nëse efikasiteti mund të arrihet me një dozë ose nëse do të nevojitet më shumë, sepse disa koronavirusë janë imunogjenë. Për më tepër, ka pengesa edhe për kompanitë. Një pastiçier që pjek 100 ëmbëlsira në ditë mund të bëjë 500, por jo 5 milionë. Nëse bota mund të prodhojë njëqind milionë doza, bota ka 7 miliardë njerëz, informon dritare.net. Është e drejtë që dozat për punëtorët e spitalit dhe të jenë të garantuara, në të kundërt gjithçka do të ndalet sërish. Kur një vaksinë të jetë e autorizuar duhet të administrohet në një mënyrë të organizuar. Por njerëzit duhet ta kuptojnë që fillimisht nuk do të ketë mjaftueshëm për të gjithë.
Ndërkohë çfarë duhet të bëjmë, derisa vaksina të dalë? “Tri gjëra: së pari, për të arritur në imunitetin e tufës duke e lëvizur virusin ngadalë, sepse, nëse lëviz shumë shpejt, në vend të imunitetit të tufës do të kemi një katastrofë. Duhet të qëndroni larg duke ruajtur distancën në mënyrë që indeksi i infektimit të jetë i ulët, në mënyrë të imunizoheni ngadalë. Pastaj vaksina do të japë kontributin e saj. Kur krijohet ky ekuilibër midis virusit qarkullues dhe antitrupave, Covid bllokohet sapo të ketë në kontakt me një person. Pas disa vitesh, do të bëhet një virus i thjeshtë”, shprehet Capua./L.F-dritare.net
