Duke filluara nga sot, testet PCR për COVID, në disa nga laboratorët private në Shqipëri, të licensuar nga Ministria e Shëndetësisë, do të kushtojnë 30% më lirë. Duke marrë shkas në numri i lartë i infektimeve në vend dhe nga nevoja për më shumë teste, “Laboratori Amerikan Hospital Dega 2, “Intermedica” Center”, “Genius Lab”, “Noval Diagnostic” kanë vendosur që të unifikojnë çmimin për kryerjen e testit Real Time PCR, në 8 500 lekë, pra 30% më lirë se sa kushtonte më parë.
“Duke marrë shkas nga ecuria e situatës epidemiologjike në vend, e cila ditët e fundit është shoqëruar me rritje të numrit të personave të prekur nga infeksioni COVID-19, në cilësinë e përfaqësuesve të autorizuar të “Laboratorit Amerikan Hospital Dega 2, “Intermedica” Center”, “Genius Lab”, “Noval Diagnostic”, si struktura të licensuara dhe të njohuraa nga Ministria e Shëndetësisë dhe Mbrojtjes Sociale, angazhohemi për të ulur çmimin për kryerjen e testit Real Time PCR me 30%, unifikimin e tij në vlerën 8 500 lekë duke filluar nga data 18.11.2020, si dhe vijimin e bashkëpunimit të mëtejshëm me kapacitetet tona në mbështetje të kësaj pandemie.”, thuhet në njoftimin e përbshkët.
