“Lojtarët e Real Madrid duhet të japin maksimumin sot në fushë dhe të tregojnë se përse luajnë për këtë klub”. Ka qenë kjo thirrja që trajneri francez Zinedine Zidane i ka bërë skuadrës së tij në prag të ndeshjes që “los blancos” do të luajnë sonte ndaj Interit në Champions League.
“E njohim Interin, do të jetë një ndeshje e komplikuar dhe e vështirë. Çdo ndeshje është si një finale dhe këtë gjë e dimë. Mendojmë për ndeshjen e sotme dhe jo për atë që do të vijë nesër. Vjet nuk e fituam Champions, por objektivi ynë nuk ndryshom. Kush luan te Real luan për të fituar Champions League”, tha Zidane.
