Lulzim Basha ka përkujtuar 30 vjetorin e themelimit të Partisë Demokratike, forca që sipas liderit të opozitës solli demokracinë dhe ndryshimin në Shqipëri.
Kryedemokrati ka postuar një video, në të cilën shfaqen nga revoltat popullore dhe lëvizja studentore e 8 Dhjetorit, deri tek futja e Shqipërisë në NATO dhe investimet strategjike në infrastrukturë.
Sipas Bashës gjatë qeverisjes, Partia Demokratike hapi vende pune, zhvilloi ekonominë, ngriti infrastrukturën anembanë vendit, futi Shqipërinë në NATO dhe mundësi lëvizjen pa viza të qytetarëve. Lideri i opozitës shkruan se Partia Demokratike do të jetë gjithmonë zëri i shqiptarëve.
