Portieri i Manchester City, Ederson, ka thënë se ai është gjuajtësi më i mirë i penalltive në klub, por asnjëherë nuk zgjidhet për të goditur nga pika e bardhë. City ka pasur telashe të shënojë nga penalltia viteve të fundit, me gjuajtësin e zakonshëm Kevin De Bruyne që e humbi penalltinë në barazimin 1:1 me Liverpoolin në fillim të këtij muaji, transmeton Gazeta Express. Ederson njihet për aftësitë e mira të lojës me këmbë, por tregoi se trajneri Pep Guardiola asnjëherë nuk i ka kërkuar ta marrë përsipër gjuajtjen e penalltive.
“Unë nuk i ushtroj gjuajtjet e lira, por i ushtroj penalltitë”, tha Ederson në një konferencë për media para ndeshjes së City me Porton në Ligën e Kampionëve. “Kam luajtur për Rio (Ave), i kam gjuajtur disa goditje të lira atje. Kjo është në të kaluarën dhe tani ne kemi disa gjuajtës shumë të mirë të tyre këtu në City. Sa i përket penalltive, jam gjuajtësi më i mirë i tyre, por nuk më zgjedhin t’i gjuaj to”, tregoi ai.
