Amir Rrahmani i cili u infektua gjatë grumbullimit me Kosovën pas dy javësh në karantinë do të jetë i gatshëm të kthehet në aksion për skuadrën e tij, Napolin. Mbrojtësi ynë do të jetë në dispozicion të Gennaro Gattusos duke filluar nga ndeshja e kësaj të enjte në Ligën e Evropës ndaj AZ Alkmaar, pasi testi i fundit ka rezultuar negativ.
Mbetet për t’u parë nëse Gattuso do t’i japë minuta Amir Rrahmanit në ndeshjen e radhës në Ligën e Evropës. Duket e vështirë të ndodh kjo, pasi lojtari ka qenë në izolim për dy javë. Mbrojtësi ynë ende nuk ka debutuar me skuadrën e njohur në këtë sezon as në Serie A e as në Evropë.
