Holanda ndaloi sot herët në mëngjes fluturimet hyrëse nga Britania e Madhe, pas zbulimit të një varianti të ri të COVID-19. “Ndalimi hyn në fuqi menjëherë dhe është vendosur të vazhdojë deri më 1 janar”, deklaroi qeveria. Instituti Kombëtar holandez për Shëndetin Publik dhe Mjedisin (RIVM) rekomandoi kufizimin e hyrjes së këtij lloji të virusit nga BM sa më shumë që të jetë e mundur duke kufizuar ose kontrolluar lëvizjet e udhëtimit, gjë që solli pezullimin e udhëtimeve ajrore nga Kabineti.
Sipas kabinetit qeveritar, një virus me variantin e përshkruar në BM ishte identifikuar tashmë në një mostër të rastësishme në Holandë në fillim të dhjetorit. BM njoftoi një bllokim të ri për Londrën dhe pjesë të Anglisë jugore dhe lindore duke filluar nga sot për shkak të shqetësimeve në lidhje me përhapjen e shpejtë të variantit të ri.
