Doktori Venkat Chandra ka kaluar nëntë muajt e fundit në vijat e para të pandemisë së COVID ndërsa ndjen mungesën e prindërve të tij. Kriza e ka bërë të pamundur që të udhëtojë nga Mbretëria e Bashkuar për në Indi, ku ata jetojnë dhe nuk i ka parë prej më shumë se një vit. Sipas CNN, mëngjesin e së martës ai arriti një hap më afër që të mund t’i vizitonte pasi ishte vaksinuar kundër COVID-19. Mjeku 46 vjeçar i Spitalit Universitar të Uellsit në Cardiff, ishte një nga njerëzit e parë në botë që mori vaksinën Pfizer/BioNTech. Chandra dhe 224 të tjerët u injektuan brenda një gjimnazi në Cardiff që është shndërruar në një qendër të improvizuar vaksinimi në ditën e parë të programit të imunizimit masiv në të gjithë Mbretërinë e Bashkuar.
“Është ende një rrugë e gjatë për të bërë, por shpresojmë që të gjithë të vijnë dhe ta marrin vaksinën, për të lëvizur vendin”, tha ai. Ka qenë e vështirë për të që të mos jetë në gjendje të vizitojë prindërit e tij në Chennai “Në Indi, situata ka qenë edhe më e keqe, kështu që ka qenë e vështirë për mua”, tha ai.
Shpërndarja e vaksinave te britanikët, më pak se një javë pasi vendi u bë i pari që miratoi vaksinën Pfizer/BioNTech për përdorim, është kulmi i hulumtimeve, planifikimit logjistik dhe testeve klinike për muaj me radhë. Farmacistët, infermierët, punëtorët e kujdesit shëndetësor dhe vullnetarët që punojnë në qendrën e vaksinimit janë duke u përgatitur për këtë moment për javë të tëra.
Por për Chandran, vaksina aktuale ndjehej si një gërvishtje e vogël në krah. “Ishte e shpejtë dhe jo aq e dhimbshme”, tha ai, duke shtuar se do t’i inkurajojë vetë pacientët që të bëjnë vaksinimin sa më shpejt të jetë e mundur. Ata që morën një dozë të parë sot do të duhet të kthehen për një tjetër brenda rreth tre javësh.
Infermieret që administrojnë injektimin në gjimnazin e konvertuar u morën nga spitalet dhe objektet e tjera të kujdesit shëndetësor në dhe përreth Cardiff-it. Midis tyre, ata morën nofkën, Vaksinat ruhen në kushte të kontrolluara rreptësisht në një frigorifer në një dhomë të veçantë. Dy farmacistë, që punojnë së bashku, kanë për detyrë të zbërthejnë çdo shishkë, të hollojnë vaksinën në një klorur natriumi dhe ta ndajnë atë në pesë doza që futen në shiringa individuale. Është një proces i ri për ta. Normalisht, vaksinat mbërrijnë të holluara dhe të gatshme në shiringa.
Mjeku 32-vjeçar ka një arsye tjetër, më personale, për të qenë mirënjohës për vaksinën. Ai dhe gruaja e tij po presin fëmijën e tyre të parë në muajin mars. Më poshtë do të shikoni se si duken dhomat ku po vaksinohen britanikët.
