Kampioni spanjoll është duke tentuar që ta gjejë zëvendësuesin e Cristiano Ronaldos, ndërsa ish-presidenti i Realit e ka në mendje zëvendësuesin. Ish-Presidenti i Real Madrid, Ramon Calderon, ka kërkuar nga ish-klubi i tij ta blejë superyllin e Paris Saint-Germain, Kylian Mbappem në verën e vitit 2021. Mbappe do të hyjë në vitin e fundit të kontratës së tij në fund të këtij sezonit dhe mund të jetë në dispozicion me një çmim relativisht të përballueshëm, nëse PSG-ja është e gatshme ta shesë dhe në rast se ai nuk nënshkruan marrëveshje e re me klubin francez.
21-vjeçari ka qenë në radarin e Madridit që nga koha që ishte pjesë në Monaco në moshën 16-vjeçare dhe ai vazhdon të jetë i lidhur me klubin madrilen pasi ata synojnë të zëvendësojnë me një lojtar të nivelit të lartë pasi që nga largimi i Cristiano Ronaldos në Juventus në 2018, ende nuk kanë arritur të gjejnë një të tille.
“Pa dyshim, Mbappe është lojtari më i dëshiruar nga të gjithë dhe do të ishte një lajm i shkëlqyeshëm për ekipin tonë”, u deklarua Calderon. “Ai është një lojtar i cili, duke qenë shumë i ri, tashmë ka arritur të tërheqë vëmendjen e të gjithë tifozëve dhe me sa duket momenti i tij më i mirë është akoma për të ardhur”. “Ajo që klubeve të mëdha u duhet gjithmonë është që të kenë lojtarët më të mirë në primet e tyre, pavarësisht nga mosha e tyre”, tha ai. Nënshkrimi me Eden Hazard nuk ka arritur të rimarrë formën e tij që kishte në Chelsea ndërsa skuadra e Zinedine Zidane nuk ka qenë në gjendje të kompensojë humbjen e golave të Ronaldos në dy vitet që nga shitja e tij.
