Pandemi, pezullime, probleme muskulore dhe dëmtime të kyçit të këmbës dhe brinjës. Për arsyet më të ndryshme, 2020 ishte viti që Neymar zbriti më pak në fushë gjatë gjithë karrierës së tij si një futbollist profesionist. Duke shtuar angazhimet mes Paris Saint-Germain dhe ekipit kombëtar brazilian, sulmuesi luajti vetëm 29 ndeshje zyrtare gjatë 12 muajve të fundit. Mesatarisht, kjo do të thotë praktikisht një ndeshje çdo dy javë. As në vitin 2009, kur Neymar ishte ende një djalë i ri dhe luante me Santos (jo te Selecao) ai numër nuk ishte kaq i ulët.
Atë vit, edhe pse ishte rezervë disa herë, ai zbriti në fushë 48 herë. Por, faji për shfaqjen kaq pak në fushë gjatë vitit që do të mbarojë nuk ishte ekskluzivisht numri “10”, por vetë kalendari. Ndryshe nga kampionatet e tjerë të mëdhenj kombëtarë në Evropë, të cilat rifilluan nga mesi i vitit, francezët vendosën ta mbyllnin sezonin 2019/20 akoma në mars, kur shpërtheu pandemia Covid-19.
Si rezultat, 11 javë thjesht nuk u luajtën. Gjithashtu për shkak të koronavirusit, Champions League shfuqizoi përplasjet nga çerekfinalet dhe gjysmëfinalet, duke anuluar dy ndeshje të tjera që Neymar mund të kishte luajtur. Ndërsa ai merr një pagë vjetore prej 36 milionë euro te PSG dhe mori pjesë në vetëm 27 ndeshje për klubin gjatë vitit 2020, kjo do të thotë që braziliani është paguar diçka e ngjashme me 1.33 milionë euro për ndeshje! Por nuk është e mundur të thuhet se këto para janë investuar keq. Pavarësisht nga kaq shumë probleme, Neymar fitoi tre tituj në vitin 2020 (Kupa Franceze, Ligue 1, dhe Kupa e Ligës) dhe, më e rëndësishmja, e drejtoi klubin e tij në një finale të Ligës së Kampionëve për herë të parë në histori.
Përveç kësaj, ai mesatarisht shënoi 0.76 gola për ndeshje dhe më shumë se një asistim çdo dy herë në fushë (0.52 për lojë). 2020 ishte gjithashtu viti në të cilin Neymar u shfaq përsëri midis kandidatëve për çmimin e lojtarit më të mirë në botë, pasi kishte munguar vitin 2019.
