Me zhvillimin e ndeshjeve të radhës, fundjavën e kaluar, ka njëfarë “revizionimi” edhe të renditjes së golashënuesve më të mirë në kampionatet europiane të futbollit. Sikurse e dini, një gol në 5 ligat më të mira të kontinentit vlen 2 pikë në këtë përllogaritje të “Këpucës së Artë”, ndërsa në ato të dorës së dytë 1.5 pikë. Vijon të kryesojë, pa u tundur fare, Robert Lewandowski, i ndjekur nga Cristiano Ronaldo. Ndërkohë, Leo Messi duket disi i zhbilancuar nga pjesa kryesore e klasifikimit aktual. Të gjithë janë në kërkim të kurorës së Ciro Immobile, fitues i edicionit të fundit.
