Nëse jeni ende single dhe çdo ditë pyesni veten kush dreqin e ka fajin për këtë, qetësohuni dhe na lejoni t’ju themi se disa gjëra i kanë në dorë yjet tuaja. Shenja juaj e horoskopit duket se influencon më shumë nga ç’e mendonit në takimet tuaja romantike.
Dashi-Dashi është padyshim një nga shenjat më protagoniste të horoskopit dhe si e tillë kërkon vëmendje maksimale. Por ka një problem, e do këtë gjatë gjithë kohës dhe do të bëj çdo gjë për ta patur. Prandaj kur vjen puna tek lidhjet, kërkesat tuaja do të duken pak si shumë për partnerin potencal. Siguria që keni nëvete mund të rezultojë ndonjëherë bezdisëse për të, por kjo s’do të thotë që ju s’mund të vazhdoni të shkëlqeni vetëm që ai të ndihet rehat në praninë tuaj. Kështu që më mirë prisni të gjeni dikë që është fansi juaj më i madh dhe ju pranon plot krenari ashtu siç jeni. Zjarr i vërtetë.
Demi-Duke qenë se jeni një shenjë toke ju i përkisni individëve më me këmbë në tokë dhe shumë prej jush janë ambiciozë dhe të fiksuar pas punës. Nëse keni dikë në zyrë që qendron gjithnjë jashtë orarit të punës, është me siguri Demi. Kjo flet mirë për ju, por problemi është se duhet të hiqni pak dorë nga ky fiksim dhe të dilni në skenë. Shkoni diku në një kafene apo një bar të lezetshëm dhe gjejeni gjysmën tjetër. Me siguri po ju pret.
Binjakët-Të jesh binjakë do të thotë që kushdo që del me ju në fakt po del me 2 personat që ka brenda teje. Që me siguri janë krejt të ndryshëm nga njëri-tjetri. Njëra anë e juaja është e ëmbël dhe e kujdesshme, ndërsa ana tjetër nuk do asnjë lloj angazhimi me askënd. Kjo i komplikon kaq shumë gjërat. Ai duhet të ketë energji dhe nerva të hekurta. Kjo është gjithçka që do të të duhej ty.
Gaforret-Zakonisht gaforret bëjnë gjithçka për partnerët e tyre. Janë të kujdesshëm dhe kanë shumë takt që të mos lëndojnë ndjenjat e të tjerëve. Madje ndonjëherë sakrifikojnë veten e tyre vetëm për të mos e bërë këtë. Kjo është pikërisht ajo ç’ka e vështirëson jetën tuaj romantike. Ju investoni shumë për dikë tjetër dhe në fund nuk merrni atë që prisnit.
Luani-Ju i keni mbyllur ndjenjat tuaja në sirtarin më të fshehtë dhe e keni flakur çelësin njëherë e mirë. Kjo ia vështirëson punën kujdo që është i interesuar për ju. Në fakt, ju jeni mjeshtër i takimeve falë sigurisë dhe aftësive tuaja joshëse, por sapo gjërat bëhen më serioze dhe dikush tenton t’ju shprehë diçka, gjithçka doni të bëni është të zhdukeni nga sytë këmbët.
Virgjëresha-Është e shkruar në yje që ju të analizoni çdo gjë. Një djalë nuk mund t’ju thotë as dy fjalë sepse ju do t’i analizoni, do t’i mendoni gjatë duke rikujtuar çdo fraksion të atij çasti. Vjen një moment dhe e gjithë kjo bëhet e lodhshme për të dy ju. Gjithçka duhet të bëni është të mos e merrni kaq seriozisht, sigurisht nëse mundeni.
Peshorja-Keni tendencën për të jetuar çdo histori si në përralla. Jeni romantik, ëndërrimtarë dhe vdisni të planifikoni fundjava arratisjeje me atë që doni. Por edhe pse janë shumë pasionantë dhe shpirtra të lirë, mos u habisni nëse e gjeni veten në një moment duke kërcyer e vetme në pishinë. Peshoret e bëjnë këtë!
Akrepi-Akrepët janë shumë seksi, misteriozë dhe duan me çdo kusht të duken bukur për partnerët e tyre. Por kaq s’mjafton për të patur një lidhje afatgjatë. Duhet të përfshiheni më shumë emocionalisht, kjo do t’ju shpëtonte.
Shigjetari-Jeni shumë të guximshëm apo jo? Ju vdisni të bëni debate dhe urreni kur argumentet tuaja humbasin. Ju pëlqen shumë të bëni politikë edhe në një lidhje. Por ajo ç’ka do t’ju shpëtonte është kompromisi, kështu që hiqni dorë nga sherret, mendoni dhe njëherë dhe toleroni.
Bricjapi-Bricjapët shihen si njerëz shumë të matur, formal dhe që mendojnë shumë. Por të gjithë jemi mëkatarë dhe si të tillë s’keni pse ta humbisni një shans të tillë. Mos u tregoni snob nëse dikush shfaq interes për ju, nuk do t’ju ndihmonte.
Ujori-Ujorët janë krijues dhe inovatorë dhe kjo afër mendsh shoqërohet me standarte shumë të larta. Ju kujtohet fare mirë që nga gjimnazi që jeni ju ai/ajo që i keni dhënë fund çdo lidhjeje apo jo? Dhe për arsye nga më qesharaket gjithashtu? Gjithçka duhet të bëni është të zbrisni nga qielli dhe të pranoni se princ Harry nuk do t’ju propozojë kurrë (aq më pak tani). Lëreni fantazinë dhe përdorni llogjikën. Ju e bëni mirë këtë.
Peshqit-Peshq të lutem mos qani kur ta lexoni këtë. Ne e dimë që jeni shumë të ndjeshëm, por të vërtetat duhen thënë. Jeni shumë të ëmbël dhe të kujdesshëm, por në fillim duhet t’ja thoni vetes këtë. Jini më të sigurt dhe besoni tek vetja juaj. Vetëm kaq ju duhet.
