Oscar ka kërkuar të kthehet në Chelsea, klubi tek i cili shkëlqeu dhe bëri emër. Braziliani Oscar shpreson që një ditë të rikthehet te Chelsea, klubi që i hapi derën e madhe në futbollin evropian, ku dëshiron të mbyllë karrierën.
29-vjeçari rrëfen se për momentin nuk mendon të largohet nga Shanghai SIPG, pasi ka projekte të rëndësishme, por në të ardhmen pranoi se synon të veshë sërish fanellën e të kaltërve të Londrës për të përfunduar atë që nisi. Oscar tha se ka kaluar pesë vjet fantastike te Chelsea dhe se i mungojnë shumë tifozët në “Stamford Bridge”.
