Mesut Ozil ka arritur marrëveshje trivjeçare me Fenerbahçen, sipas mediave turke, e cila mund t’i japë fund karrierës së tij në Arsenal hiç më larg se në këtë afat kalimtar. Trajneri Mikel Arteta e ka lënë Ozilin jashtë skuadrës së Arsenalit për të gjitha garat në pjesën e parë të sezonit 2020/21, gjë që e ka bërë shumë të mundshëm largimin e tij nga Emirates.
Transmetuesi turk NTVSpo raportoi mëngjesin e sotëm se ish-përfaqësuesi i Gjermanisë ka rënë në ujdi me klubin nga Superliga e Turqisë, vetëm 24 orë pasi u raportua se klubi i MLS-së DC United i kishte bërë ofertë Ozilit. Ozil pritet t’i bashkohet Fenerit menjëherë në një marrëveshje deri në verën e vitit 2024. Ozil iu bashkua Arsenalit më 2013 dhe ishte njëri prej lojtarëve me më ndikim gjatë një periudhe kur klubi i fitoi tre trofe në FA Cup. Por ai është përzënë nga ekipi që prej sezonit të kaluar.
