Reperi i njohur Capital T ka treguar gjithmonë se është shumë i lidhur me prindërit, mirëpo ai ka preferuar të mos i ekspozojë në rrjete sociale. Mbrëmjen e djeshme, i ati ka qenë i ftuar në “Shiko Kush Luan” dhe rezulton që është një personazh i njohur për publikun.
Babai i Capital T-së quhet Agim Ademi dhe është President i Federatës së Futbollit në Kosovë. Ai ka folur rreth raportit të tij me reperin, duke treguar se janë si shokë.
Agim Ademi ka treguar se Capital T ka qenë shumë i dhënë pas futbollit dhe kishte premisa për të qenë një futbollist i mirë, por ai zgjodhi rrugën e muzikës.
