Siç mund ta dini tashmë, të 12 shenjat e zodiakut janë kategorizuar në bazë të 4 elementeve: toka, ajri, zjarri dhe uji. Çdo shenjë e zodiakut ka tipare e karakteristika unike, në varësi të elementit ku bie. Megjithatë, shenjat e të njëjtit element, të tilla si zjarri, për shembull, zakonisht kanë shumë tipare të përbashkëta. Shenjat e zjarrit kanë tendencë që të kenë një pasion dhe gjallëri, që të tjerëve u duken të fuqishme dhe tërheqëse, për shembull. Të katër elementet duhet të ekzistojnë që bota të ketë ekuilibër, sepse pa njërin prej tyre, energjia dhe renditja e Tokës do të dobësohej.
Nëse i shihni këta elemente si jetike për ekzistencën tonë, ju mund të lidheni shumë më thellë me elementin e shenjës tuaj. Cilido qoftë elementi që ju përfaqësoni, ai përbën një pjesë shumë të nevojshme të universit. Ne kemi nevojë për ujin, për rehatinë dhe qëndrueshmërinë emocionale, si dhe për të na mbartur butë-butë përmes rrymave të jetës. Na nevojitet edhe për të mbijetuar, pasi uji përbën një pjesë të madhe të qelizave tona. Ne kemi nevojë për zjarrin për të qëndruar ngrohtë, si dhe duke për të na dhënë shikimin në errësirën e natës. Ne kemi nevojë për ajrin për të marrë frymë, dhe të na shpjerë drejt destinacionit të ardhshëm. Ne kemi nevojë për Tokën, natyrisht, për të jetuar, për t’u lidhur me të, dhe për të na ushqyer. Me gjithë këto në mendje, elementi që përfaqëson shenjën tuaj të zodiakut, me shumë gjasë përshkruan pjesët kryesore të personalitetit tuaj. Më poshtë një vështrim i 4 elementëve, çdo shenjë që përfaqëson ata, dhe çfarë domethënie kanë për ju.
SHENJAT e ZJARRIT: Dashi, Luani, Shigjetari
Shenjat e zjarrit kanë një sjellje plot pasion, dhe guxim. Ato nuk sprapsen dhe nuk lejojnë asgjë që t’u pengojë rrugën. Ndonjëherë mund të jenë mospërfillës, por ata/ato duan vetëm të ndjekin zemrën e tyre. Kjo qasje energjike i shpie larg në jetë.
DASHI (21 Mars – 20 prill)
Dashit i pëlqen shumë të bëjë miq të rinj në të gjitha sferat e jetës. Kanë një shpirt të mirë, pavarësisht se si mund të duket në sipërfaqe. Nëse nuk përpiqeni t’i njihni, ju mund të mendoni se janë egoistë, të padurueshëm, dhe përherë në kërkim të vëmendjes. Megjithatë, sapo ju flisni me ta, do të shihni natyrën e vërtetë, simpatike, miqësore. Ata kanë një entuziazëm për jetën që vetëm sa i tërheq të tjerët drejt tyre. Nëse ju bëni miqësi me një të shenjës së Dashit, përgatituni për shumë të qeshura dhe aventura argëtuese. Oh, dhe ndoshta edhe ndonjë debat të nxehtë.
LUANI (23 Korrik – 21 gusht)
Luani pëlqen të jetë në qendër të vëmendjes, sa herë që ai ose ajo mundet, dhe njerëzit e kësaj shenje kanë një vetëbesim të madh. Ata mund të duken pak egoistë, por natyra e tyre e ashpër dhe e guximshme u kërkon që të thonë të vërtetën e tyre dhe të mos mbajnë asgjë. Ju mund të mbështeteni tek shenja e Luanit për gjithçka, dhe ata marrin rolin e lidershipit, atëherë kur askush nuk e bën. Ata gjithashtu ju bëjnë të qeshni me personalitetin e tyre simpatik.
SHIGJETARI (12 nëntor – 22 dhjetor)
Personat e shenjës së shigjetarit mund të zemërohen kollaj, dhe kanë tendencë për t’u larguar pas një debati të nxehtë. Megjithatë, ata kanë shumë cilësi të mëdha. Ata pëlqejnë aventurat, kështu që bëhuni gati për të udhëtuar në të katër anët me një të shenjës së Shigjetarit. Ata gjithashtu pëlqejnë bisedat e thella dhe pikëpyetjet e mëdha për jetën. Shigjetarët kanë një personalitet krijues kur i njeh, ndonëse duken të shkujdesur dhe të thjeshtë së jashtmi. Ata kanë një interes për të gjitha pyetjet që nuk kanë përgjigje, dhe kurrë nuk ndalen së eksploruari.
SHENJAT E UJIT: PESHQIT, GAFORRJA, AKREPI
Uji na jep jetë, por shumë mistere fshihen nën sipërfaqen e tij të turbullt. Ashtu si uji, njerëzit e lindur në këtë element kanë shumë gjëra që u ndodhin nën sipërfaqe. Mund të duken të qetë në shikim të parë, por hidhen drejt të panjohurës, dhe ju do të shihni se sa shumë gjëra u duhet të kalojnë.
PESHQIT (20 – 20 Mars)
Peshqit kanë një personalitet shumëplanësh. Ata duken si budallenj dhe pak të trembur në sipërfaqe, por zemëroji, dhe nuk do ia shihni kurrë fundin. Nga njëra anë, ata e duan shoqërizimin, por kanë nevojë për shumë vetmi për t’u “rikarikuar”. Pëlqejnë artet, video lojërat, dhe çdo gjë krijuese dhe imagjinative. Ata përshtaten lehtë në mjedisin e tyre, dhe janë miq të mrekullueshëm që kurrë nuk ju lënë vetëm. Misteriozë nga natyra, ata hapen me ju, nëse ndjehen rehat në shoqërinë tuaj.
GAFORRJA (22 qershor – 22 korrik)
Gaforret përfundimisht e dinë se si të jenë aty, për miqtë dhe familjen e tyre. Ata vënë të dashurit e tyre në plan të parë, dhe shkojnë deri në fund të botës për ta. Ndoshta shenja më e dashur, e edukuar e zodiakut, Gaforret janë thellësisht intuitivë dhe emocionalë. Ata janë aq të komplikuar saqë nganjëherë, ata nuk e kuptojnë as edhe vetveten. Mjerisht, ata shpesh ndihen të humbur dhe të tronditur, teksa përpiqen për të gjetur vendin e tyre në botë. Kanë emocione shumë të forta që, ashtu si uji, pësojnë ulje ngritje sipas cikleve të Hënës. Ata janë shumë të përputhur me natyrën, dhe kalojnë shumicën e kohës në vetmi. Ata kanë një temperament të paqëndrueshëm, por nuk e tregojnë atë, nëse ndihen rehat me ju. Janë njerëz frymëzues, të motivuar, dhe ndjekin rrugën e tyre në jetë, pavarësisht nga pengesat. Gaforret janë një nga shenjat më të komplikuara të zodiakut, kështu që, provoni t’i kuptoni, po “jua mbajti”.
AKREPI (24 tetor – 22 nëntor)
Akrepat gjithashtu janë disi konfuzë, por të dashur dhe plot pasion. Ata duken misteriozë dhe të përmbajtur në fillim, por hapen me kalimin e kohës. Ndeshuni me një Akrep, dhe të jeni të sigurtë që do të planifikojnë hakmarrjen. Akrepat mund të jenë të butë dhe jashtë kontrollit ndonjëherë, por u pëlqen të jetojnë jetën në anën “e egër” të saj. Ata gjithashtu nuk i tregojnë kollaj emocionet, dhe kanë tendencë për t’i mbyllur në brendësi. Akrepat mbajnë afër miqtë dhe familjen, dhe bëjnë maksimumin për t’i mbrojtur ata.
SHENJAT E TOKES – DEMI, VIRGJERESHA, BRICJAPI
Shenjat e tokës janë njerëzit më të qëndrueshëm, të besueshëm dhe me këmbë në tokë, nga të gjithë. Ju duhet një përgjigje, ata e kanë. Keni një problem, ata do ta zgjidhin. Mund të mbështeteni tek ata për çdo gjë, dhe ata nuk do t’ju zhgënjejnë. Ata janë mendje-shpejtë, të mprehtë, dhe pakëz sarkastikë, por njëkohësisht të dashur. Ata shfaqen si të ftohtë dhe pa ndjenja, por kjo është vetëm për shkak se ata përdorin logjikën shumë më tepër se sa emocionet, për t’u lidhur me njerëzit.
Demi (21 prill – 21 maj)
Ndërsa demi është kokëfortë, ai është gjithashtu i fortë, i besueshëm, dhe i guximshëm. Demi ka etikë të lartë pune, dhe nuk do ndalet deri sa të arrijë qëllimin e vet. Ata të kësaj shenje kanë aspirata të mëdha në jetë, dhe punojë shumë për të qenë atje ku duan të jenë. Ata nuk i tregojnë kollaj emocionet, por janë dëgjues shumë të mirë, për ata që kanë nevojë për ndihmë. Ata janë miq të mëdhenj, dhe të duan të bëjnë aventura. Megjithatë, mos u përpiqni për t’ua ndryshuar mendjen. Ky dem nuk lëviz kollaj.
VIRGJERESHA (22 gusht – 22 shtator)
Personat e shenjës së Virgjëreshës kanë gjithashtu një qasje logjike dhe praktike ndaj jetës. Ata kanë një mënyrë metodike të të bërit të gjërave, dhe në masë të madhe nuk e pëlqejnë çrregullimin. Virgjëreshat gjithashtu priren të mendojnë me tepri për çdo gjë, dhe marrin shumë kohë për të arritur në një vendim.
Megjithatë, natyra e tyre e vëmendshme dhe pragmatiste, u lejon të marrin kohë në bërjen e zgjedhjeve, dhe të mos nxitojnë për asgjë. Ata shijojnë aktivitetet e qetë, dhe ndërsa janë të ëmbël dhe simpatikë, jo gjithmonë bëjnë kollaj miq. Nëse ju doni të miqësoheni me një Virgjëreshë, ndoshta do ju duhet të bëni hapin e parë.
BRICJAPI (23 dhjetor – 20 janar)
Bricjapët, ashtu si Demi, janë të dhënë pas punës. Ata identifikohen shumë me profesionin e tyre, dhe punojnë jashtëzakonisht shumë për të ruajtur statusin e tyre në punë. Kujdesen shumë për imazhin e tyre, dhe nuk duan që askush t’i shohë në një gjendje më pak se të përsosur. Janë konservatorë, të pavarur, dhe kokëfortë, por njëkohësisht miq dhe partnerë besnikë. Duan që të frymëzojnë dhe ndihmojnë ata që i rrethojnë, dhe zgjidhin shpejt çdo problem. Bëhen liderë të mrekullueshëm, edhe pse duken pak të ashpër ndonjëherë.
SHENJAT E AJRIT: UJORI, BINJAKET, PESHORJA
Shenjat e ajrit priren të jenë të ndryshueshme, si mund ta sugjerojë edhe elementi i tyre. Një moment, ata ndjehen të drejtuar nga veriu, dhe një sekondë më vonë, diçka i tërheq në drejtim të kundërt. Shenjat e ajrit e lënë erën t’i shpjerë atje ku ajo mendon se duhet të shkojnë, dhe kanë një qasje të relaksuar ndaj jetës. Shenjat e ajrit mund të duken pak të cekët dhe të pamend në sipërfaqe, por sapo i njihni, zbuloni më shumë nga shtresat e tyre të fshehura. Megjithatë, ata nuk kanë dëshirë të ndalen shumë në emocionet dhe aspektet sentimentale të jetës. Ata jetojnë momentin duke kërkuar sa më shumë argëtim dhe aventurë që të munden.
UJORI (21 janar – 19 shkurt)
Ujorët pëlqejnë një bisedë inteligjente me dikë, prej të cilit mund të mësojnë diçka. Ata duan të udhëtojnë, pëlqejnë darkat e mrekullueshme, dhe gjërat e mira në jetë. Megjithatë, ata nuk pëlqejnë të duken. Ata jetojnë brenda mundësive të tyre, dhe do bëjnë gjithçka që duhet për të ndjekur ëndrrat e tyre. Ujorët kanë një qëndrim të thjeshtë, pozitiv, shpërfillës për jetën, dhe rrokin shanset që u shfaqen. Ata nuk kalojnë shumë kohë të ngecur nëpër mendimet e veta; në vend të kësaj, shijojnë momentin kërkojnë në të gjithë bukurinë që i rrethon. Janë humanitarë nga natyra, dhe kanë dëshirë që të ndikojnë pozitivisht në botë. Ata janë pak të paparashikueshëm, dhe kjo i bën argëtues.
BINJAKET (22 maj – 21 qershor)
Binjakët mund të duken të ndërlikuar, dhe disa besojnë se vetëm një tjetër Binjak i vërtetë mund t’i kuptojë. Si Binjakë, ata kanë një personalitet të ndarë dhe nuk mund t’i deshifrosh në kohë. Një minutë, ata duken miqësorë dhe të dashur, dhe tjetrën, të pavarur dhe të pamatur. Ata e kanë pak të vështirë të dinë atë që duan në jetë, dhe mund të preken fort nga natyra e tyre gjithnjë në ndryshim. Ata mendojnë pozitivisht për jetën, dhe nuk u pëlqen të rrinë me njerëz që i bëjnë të ndihen jo mirë. Ata janë me mendje të hapur, kuriozë, dhe në fund të fundit, zbavitës.
PESHORJA (24 shtator – 23 tetor)
Peshoret, mbi të gjitha kanë nevojë për ekuilibër dhe drejtësi. Ata janë vazhdimisht duke ecur mbi litar, në përpjekje për të mbajtur në vijë shëndetin e tyre emocional, mendor dhe fizik. Gjithashtu nuk durojnë dot të shohin gjithë padrejtësinë në botë dhe ndjejnë një përgjegjësi personale për të ndrequr gjithë të metat që kemi. Peshoret kanë nevojë për paqe, mirëkuptim dhe biseda të thella, si në miqësi, edhe në lidhjet romantike.
