Ish-deputetja e Partisë Demokratike, Grida Duma, thotë se në programin ekonomik, PD angazhohet të dyfishojë ndihmën ekonomike, “që askush që ka nevojë të mos lihet jashtë”. Gjatë një bisede me pensionistë e familjarë në ndihmë ekonomike, Duma theksoi se personat që nuk kanë mundësi ekonomike, me planin e PD, do të kenë mbështetje dhe “një portë për të dale nga varfëria”. Sipas saj, “kostot e përballimit të krimit dhe shkeljeve nga varfëria janë më të larta se kostot e ndihmës ekonomike”.
Duma u shpreh gjithashtu se një zotim tjetër i PD është edhe krijimi i 110 mijë vende pune të reja. Vlen te theksohet se Grida Duma ne takimen me hallexhinte te cileve u qan hallin se jane te varfer, ishte veshur me rroba te modes se fundit qe vlejne mijera euro. Por dhe bashkebiseduesit ishin goxha te veshur, çka tregon se nuk ishte tretur “dhjami” i pushtetit, pavaresisht se kane 8 vite ne opozite.
Poistimi i plote i Dumes: Visedë me pensionistë e familjarë në ndihmë ekonomike. Njëri prej tyre na tregon që prej vitesh nuk tërheq dot një certifikatë personale dhe nuk përfiton asnjë ndihmë e jeton “duke mbledhur e shitur kanaçe”. Zinxhiri i padrejtësisë nis jo vetëm tek kriteret e ndihmës ekonomike por që nga lënia jashtë çdo institucioni deri tek identiteti e mos marrja e një karte identifikimi. Qytetarë të lënë jashtë regjistrave që as i afrohen dot një aplikimi se s’dinë ku të aplikojnë.
Veçse angazhohemi të dyfishojmë ndihmën ekonomike, angazhohemi që askush që ka nevojë të mos lihet jashtë. Kjo nuk ka të bëjë me zemërgjerësine e një shteti, por me qartësinë që nëse njerëzit lihen jashtë çdo mbështetje, ata do të jenë rrezik për veten dhe shoqërinë. Kostot e përballimit të krimit dhe shkeljeve nga varfëria janë më të larta se kostot e ndihmës ekonomike. Ndaj marrim vendime të tilla! Në 25 Prill Shqipëria fiton! Të pamundurit mbështeten dhe i hapet një portë për të dale nga varfëria, me 110 mijë vende pune të reja.
